எண்சுவைக் கவியரங்கும் கூடங்குளமும்

தமிழ்ச் சங்கத்தில் வெள்ளிக்கிழமை மாலை ஒரு கவியரங்கு. வேலைநாள் என்பதாலோ, நிகழ்ச்சி பற்றி சரியாகத் தெரிவிக்கப்படவில்லை என்பதாலோ கூட்டம் மிகக்குறைவு. 

சித்தருக்குப் பக்தராகி

சீர்மிகு விழாவெடுப்போர்

கவிப்பித்தர்களின் நிகழ்ச்சிக்கும் நேரம்

தத்தம் செய் திருக்கலாமே

என்று எனக்குள் ஒரு கவிதை எழுந்தது.

வரவேற்புரை வழங்கிய சங்கச் செயலர் முகுந்தன் தொல்காப்பியம் பற்றி சிறிய சொற்பொழிவே நிகழ்த்தி விட்டார்.

கவியரங்குக்கு முன்னதாக, ஜவாஹர்லால் நேரு பல்கலைக்கழகத்தில் தமிழ்த் துறைத் துணைப் பேராசிரியர் த.நா. சந்திரசேகரன் (தநாமகன்) எழுதிய சரித்திரச் சறுக்கல்கள் எனும் நூலை வெளியிட்டார் துறைத்தலைவர் பேராசிரியர் கி. நாச்சிமுத்து. முதல் பிரதியைப் பெற்றுக்கொண்டவர் முனைவர் எம்.ஏ. சுசீலா.

கவிதையின் பல்வேறு வகைகள் பற்றியும், புதுக்கவிதையைக் காட்டிலும் பிறவகைக் கவிதைகளின்பால் தனக்கிருக்கும் ஈடுபாட்டையும் வெளிப்படுத்திய நாச்சிமுத்து, கவிதை நூலிலிருந்து சில கவிதைகளைக் கூறி, சந்திரசேகரன் மேலும் பல கவிதைகள் எழுத வேண்டும் என்று வாழ்த்தினார்.

வாழ்க்கையை

வாழ்ந்துவிட்டுச்

செத்துப்போ

என்ற கவிதையை கபீரின் இந்திக்கவிதை ஒன்றுடன் ஒப்பிட்டார்.

எம்.ஏ. சுசீலா தில்லிக்குக் கிடைத்த பொக்கிஷம். அவருக்கே உரிய பாணியில், திறனாய்வுக் கோணத்தில் குறுகிய நேரத்தில் சிறப்பாக மதிப்புரைத்தார். பிரதி வாசிக்கப்படுபவரைப்பொறுத்து வேறு பொருள் அளிக்கிறது, என்று அவர் சுட்டியது மிகச் சரியானது. கவிதைக்கு மிகவும் பொருந்தக்கூடியது. பெண்ணிய நோக்கில் ஒரு கவிதையையும் சுட்டினார் சுசீலா.

சங்க இலக்கியத்தில் தோழர் என்ற சொல் மூன்று இடங்களில்தான் இடம்பெறுகிறது என்பதைச் சுட்டிக்காட்டி, நூலின் ஒரு கவிதையின் பகுதியையும் படித்தார். மறுபிரசுரம் செய்வது பொருத்தமாக இருக்கும் - அந்தக் கவிதையின் முரண்சுவை அறிய -

சங்கம் கண்டதில்லை தோழன்

"தோழர்"

ஒன்றுபடவும் போராடவும்

வெற்றி பெறவும்

ஒன்றிணைந்த செஞ்சொல் 

படிநிலைகளைத் தகர்த்துப்

பதம் பார்த்த பதம்

ஆண்டான் அடிமை

உயர்நிலை தாழ்மை

அறிவாளி உடல்வலிமை

இன்னபிற முரண்களுடன்

முரண்டு பிடித்த

மிட்டாய்ப் பேச்சு  

டீச்சர் என்றதும்

பெண் ஆரிய பிம்பம்

மனம் காண்பதுபோல

தோழர் என்றதுமே

சமூகத்துச் சகலசங்கங்களுடன்

கம்யூனிஸ்ட்

புரட்சிக்காரன்

தீவிரவாதி என்றே

வருமொரு

செஞ்சட்டைப் பிம்பம்  

ஊடவும் கூடவும்

உறுதுணை வாயிலாய்

உளவியலறிந்த தோழி

ஊடுபரவிய பழந்தமிழ்ச்சங்கம்

கண்டதில்லை

இப்படியான

தோழன்.

நூல் வெளியீட்டை அடுத்து வந்தது வித்தியாசமான கவியரங்கம். சொல்விழுதுகளால் ஊஞ்சலாடுவோம் என்பது தலைப்பு. தொல்காப்பியம் சுட்டும் எண்சுவைகளைக் குறிக்கும் எட்டு தலைப்புகள். எட்டு கவிஞர்களும் அந்தச் சுவைகளை வெளிப்படச் சொல்லாமல் கவிதைவழி கூற வேண்டும். கவிதை கேட்க வந்தவர்கள், தமக்குத் தரப்பட்ட தாள்களில் கவிஞர்களின் பெயர்களுக்கு நேராக அவருடைய கவிதையில் வெளிப்பட்ட சுவையைக் குறித்துக்கொடுக்க வேண்டும். இது வழக்கமான கவியரங்கல்ல, ஆய்வுக்கான பயிற்சிப்பட்டறைக் கவியரங்கு.

இந்த எண்மரும் படைத்த கவிதைகளையும் அதன் சுவைகளையும் சுட்ட எனக்கு இப்போது உரிமை உண்டா என்று தெரியாது. அதனால் அப்படியே விட்டு விடுகிறேன். எட்டுபேரின் கவிதைகளும் ரசிக்கத்தக்கதாகவே இருந்தன.

·         இராஜேஸ்வரி கவிதையில் ஆங்கிலச் சொற்களை தவிர்த்தே இன்னும் சிறப்பாகச் செய்திருக்க முடியும், அந்தத் திறமையும் அவருக்கு உண்டு. 

·         சு. அம்பேத்கர் கவிதையில் சிறப்பான வீச்சு இருந்தது. 

·         ஆ. ஈஸ்வரன் கவிதை கவியரங்குக்கு ஏற்றதாக எனக்குத் தோன்றவில்லை - ஆனால் அருமையான வாசிப்பனுபவம் தரக்கூடியது என்பதில் சந்தேகமே இல்லை. 

·         பாரதி பிரகாஷுக்கு உச்சரிப்பும், குரல்வளமும் கவித்திறமும் இருந்தும் இவ்வளவு சுருக்கமாகத் தந்திருக்க வேண்டுமா என்று அவரிடம் கேட்க வேண்டும்.

·         இரா. தமிழ்ச்செல்வனின் கவிதை உச்சரிப்பு நன்றாக இருந்தும்கூட ஒலிவாங்கிக்கு மிகஅருகில் கவிதை படித்ததால் கவிதையை முழுதாக உள்வாங்க இயலவில்லை. 

·         ஜோதி பெருமாள், சத்யா அசோகன் - கருத்துச் சொல்லாமல் இருப்பது உறவுக்கு உத்தமம்.  

·         கவிதா ரமேஷ் வாசித்த கவிதையிலிருந்து ஒரு பகுதியைக் கேட்டு வாங்கி கீழே தருவது காலம் தந்திருக்கும் கடமை எனத் தோன்றுகிறது.

இயற்கையின் சாபத்தால் உயிர்களை

இழந்து தவிக்கும் நிலையில்

செயற்கையின் அவதாரமாய்

நெஞ்சை பதைபதைக்கும் கூடங்குளம்  

அணுசக்தி சோதனைக்கோ

அண்டை நாடுகளின் எதிர்ப்பு

அணுஉலை திறப்பிற்கோ

ஆராய்ச்சியாளர் முதல்

ஆட்சியாளர் வரை 

அமோக வரவேற்பு

சுற்றிவாழும் மக்களுக்கோ

சொல்லறியா பரிதவிப்பு - ஆம்

சூரியக் கதிர்களின்

சுட்டெரிக்கும் நெருப்பிற்கே

சுருங்கித் தவிக்கும் உடல்களுக்கு

அணுஉலைக் கதிர்வீச்சு ஓர்

அபாய எச்சரிக்கை 

கூடங்குளம் திறந்து விட்டால்

கொட்டிப் பாயுமாம் மின்சாரம்

அணுஉலையால் வீட்டில் எரியப்போவது

மின்விளக்குகள் மட்டுமல்ல

வறியவர்களின் வயிறும்தான்

வெளிச்சத்தைக் கொடுப்பதற்காக மக்களை

விட்டில் பூச்சிகளாகச் சொல்வது என்ன நியாயம்

விளக்குகளின் வெளிச்சத்தில் வெந்து மடிவதற்கா  

வெடித்துச் சிதறிய அணுஉலையால்

வெந்து சாம்பலாகிப்போன உயிர்த்திரள்களின்

வெப்பம் இன்னும் தணியவே இல்லை

அன்று அக்கினிக் குஞ்சிற்கு காட்டை இரையாக்கினான் பாரதி

இன்று அணுஉலைக் கதிர்களுக்கு நாட்டை

இரையாக்கப்பார்க்கின்றனர் அதிகார வர்க்கத்தினர்
... 

உருக்குலைந்த தேகத்தோடு

உயிர்வாழும் தேசத்தைவிட

உண்ணாவிரதத்தில் உயிர்விடுவதே மேல்  

அன்றைய இலக்கிய வரலாற்றின் இருண்டகாலம்கூட

இன்றைய தமிழர்களுக்கு இன்பகாலமாகும்

கூடங்குளம் திறக்காது போனால்.

தில்லித் தமிழ்ச்சங்கம் பல்வேறு புதிய வடிவங்களை அவ்வப்போது பரிசோதித்துப் பார்த்திருக்கிறது. சுழலும் சொல்லரங்கம், கவிதைப் பட்டிமன்றம், ஒரு கவி மாலை, கவி இசை மாலை... இப்போது பயிற்சிப்பட்டறைக் கவியரங்கு.

கவிதைகள் சிறப்பாக இருந்தாலும் அவற்றில் பொதிந்திருக்கும் சுவை என்னவாக இருக்கும் என்று யோசிக்க நேர்ந்ததில் கவிதைகளை முழுமையாக ரசிக்க முடியாமல் போனது ஆரம்பத்தில். நல்லவேளை, எனக்கு சீட்டு தரப்படவில்லை என்பதால் அந்தக் கவலையை முதலிரண்டு கவிஞர்களோடு விட்டுவிட்டு கவிதைகளை ரசிப்பதில்மட்டும் ஈடுபட்டேன். மற்றவர்களுக்கு அந்த வாய்ப்பு கிடைக்கவில்லை என நினைக்கிறேன்.

புதிய முயற்சி, வரவேற்போம், பழக்கப்படுத்திக்கொள்ள முயலுவோம்.


பி.கு. - வலைபதிவர்கள் சில நேரங்களில் கொஞ்சம் குசும்பாக எழுதுவார்கள் என்பதை நானும் பின்பற்றிப் பார்க்கலாம் என்ற எண்ணத்தில் ஜோதி பெருமாள், சத்யா அசோகன் கவிதைகளைப் பற்றி குயுக்தியாக எழுதினேன். அதில் இருக்கும் நகைச்சுவையை அதிகம்பேர் புரிந்து கொள்ளவில்லை என்று தொலைபேசி அழைப்புகளிலிருந்து தெரிய வந்தது. முந்தைய ஒரு பதிவில் முத்துலட்சுமியை வாங்கியிருக்கிறேன். அவர் சகபதிவர் என்பதால் புரிந்துகொண்டார் என்று தோன்றுகிறது.
ஜோதி பெருமாளும் சத்யாவும் எங்கள் குடும்ப நண்பர்கள். கொடுத்த பொறுப்பை கடுமையாக, சிரத்தையாக மேற்கொள்பவர்கள் என்பது எனக்குத் தெரியும். அவர்களுடைய கவிதைகள் அருமையாக இருந்தன என்பதை நேர்மையுடன் பதிவுசெய்து குழப்பத்தை நீக்க விரும்புகிறேன். இந்தப் புதிய வடிவில் கவிதைபாட என்னை அழைத்திருந்தால் இவ்வளவு நன்றாகச் செய்திருப்பேனா என்று எனக்கே தோன்றியது 
யாருக்கேனும் வருத்தம் ஏற்பட்டிருந்தால் மன்னிக்கவும். இனி எழுதுகிற பதிவுகளில் இயன்றவரை நேர்பொருளில் மட்டுமே எழுத வேண்டும் என்ற பாடமும் கிடைத்தது,

பாலுக்கும் காவல் பூனைக்கும் தோழன்

இலங்கை மீதான தீர்மானம் குறித்து முந்தைய பதிவு ஒன்றில் எழுதியதைப் படித்திருப்பீர்கள். அந்தப் பதிவின் இறுதிப்பகுதி இப்படி இருந்தது - 

இறுதித் தீர்மானம் இன்னும் நீர்த்துப்போனதாக இருக்கலாம் – அல்லது நீர்க்கச்செய்வதற்கான நடவடிக்கைகள் நடந்துகொண்டிருக்கலாம். அந்த நம்பிக்கை காரணமாகவே, தீர்மானத்திற்கு ஆதரவளிப்பதாக மன்மோகன் சிங் கூறியும் இருக்கலாம்.

மற்றொரு பதிவின் இறுதி இப்படி முடிந்திருந்தது -

திருத்தங்கள் இருந்தால் நிச்சயமாக கடைசிப் பத்தியில்தான் இருக்கும். நாளை தெரியும் இந்தியா என்ன செய்தது என்று.

அஞ்சியதுபோலவே நடந்திருக்கிறது. கடைசிப்பத்தியில்தான் திருத்தம் செய்யப்பட்டுள்ளது.  ஐ.நா. மனித உரிமை ஆணையத்தின் வலைதளத்தில் தினமும் பார்த்து வருகிறேன். இன்னும் தீர்மானம் வெளியாகவில்லை.

தேடித்தேடிப் பார்த்ததில், ஜெனிவாவில் உள்ள அமெரிக்க அலுவலகத்தின் வலைதளத்தில் இறுதிவரைவு கிடைத்தது.

வரைவுத் தீர்மானமும், இறுதி வரைவும் கீழே ஒப்பீடாகத் தரப்பட்டுள்ளன. மஞ்சள் தீற்றுகள் சிறிய சொல்திருத்தங்களைக் குறிக்கின்றன. சிவப்பு எழுத்துகள் பொருள் திருத்தங்களைக் குறிக்கின்றன.

Guided by the Charter of the United Nations, the Universal Declaration of Human Rights, the International Covenants on Human Rights, and other relevant instruments,	Guided by the Charter of the United Nations, the Universal Declaration of Human Rights, the International Covenants on Human Rights and other relevant instruments,
	Recalling Council resolutions 5/1 and 5/2 on institution building of the Human Rights Council,
Reaffirming that States must ensure that any measure taken to combat terrorism complies with their obligations under international law, in particular international human rights, refugee and humanitarian law, as applicable,	Reaffirming that States must ensure that any measure taken to combat terrorism complies with their obligations under international law, in particular international human rights, refugee and humanitarian law, as applicable,
Noting the Report of Sri Lanka’s Lessons Learnt and Reconciliation Commission (LLRC) and its findings and recommendations, and acknowledging its possible contribution to Sri Lanka’s national reconciliation process,	Taking note of the report of the Lessons Learnt and Reconciliation Commission of Sri Lanka and its findings and recommendations, and acknowledging its possible contribution to the process of national reconciliation in Sri Lanka,
Welcoming the constructive recommendations contained in the LLRC report, including the need to credibly investigate widespread allegations of extra judicial killings and enforced disappearances, demilitarize the north of Sri Lanka, implement impartial land dispute resolution mechanisms, reevaluate detention policies, strengthen formerly independent civil institutions, reach a political settlement involving devolution of power to the provinces, promote and protect the right of freedom of expression for all, and enact rule of law reforms,	Welcoming the constructive recommendations   contained in the Commission’s report, including the need to credibly investigate widespread allegations of extra-judicial killings and enforced disappearances, demilitarize the north of Sri Lanka, implement impartial land dispute resolution mechanisms, re-evaluate detention policies, strengthen formerly independent civil institutions, reach a political settlement on the devolution of power to the provinces, promote and protect the right of freedom of expression for all and enact rule of law reforms,
Noting with concern that the LLRC report does not adequately address serious allegations of violations of international law,	Noting with concern that the report does not adequately address serious allegations of violations of international law,
1. Calls on the Government of Sri Lanka to implement the constructive recommendations in the LLRC report and take all necessary additional steps to fulfill its relevant legal obligations and commitment to initiate credible and independent actions to ensure justice, equity, accountability and reconciliation for all Sri Lankans,	1. Calls upon the Government of Sri Lanka to implement the constructive recommendations made in the report of the Lessons Learnt and Reconciliation Commission and to take all necessary additional steps to fulfill its relevant legal obligations and commitment to initiate credible and independent actions to ensure justice, equity, accountability and reconciliation for all Sri Lankans;
2. Requests that the Government of Sri Lanka present a comprehensive action plan as expeditiously as possible detailing the steps the Government has taken and will take to implement the LLRC recommendations and also to address alleged violations of international law,	2. Requests the Government of Sri Lanka to present, as expeditiously as possible, a comprehensive action plan detailing the steps that the Government has taken and will take to implement the recommendations made in the Commission’s report, and also to address alleged violations of international law;
3. Encourages the Office of the High Commissioner for Human Rights and relevant special procedures to provide, and the Government of Sri Lanka to accept, advice and   technical assistance on implementing those steps and requests the Office of the High Commissioner for Human Rights to present a report to the Council on the provision of such assistance at its twenty-second session.	3. Encourages the Office of the United Nations High Commissioner for Human Rights and relevant special procedures mandate holders to provide, in consultation with, and with the concurrence of, the Government of Sri Lanka, advice and technical assistance on implementing the above-mentioned steps; and   requests the Office of the High Commissioner to present a report on the provision of such assistance to the Human Rights Council at its twenty-second session.

இதிலிருந்து ஒன்று தெளிவாகிறது. தீர்மானம் விவாதத்திற்கு எடுத்துக்கொள்வதற்கு முன்னரே இறுதிப்பத்தியில் திருத்தம் செய்ய அமெரிக்கா முடிவு செய்துவிட்டிருக்கிறது. அதற்கு இந்தியா முக்கியக் காரணியாக இருந்திருக்கிறது.

அதனால்தான், தீர்மானம் நிறைவேறியதற்குப் பிறகு ராஜபக்சேவை சமாதானப்படுத்த பிரதமர் மன்மோகன் சிங் எழுதிய கடிதத்தில்,

தீர்மானத்தில் தொனியில் ஒருவித சமநிலை ஏற்படுத்துவதற்காக இந்தியா எந்த முயற்சியையும் விட்டு வைக்கவில்லை

என்று எழுதியிருக்கிறார். அதாவது, இந்தியா சகல வழிகளையும் உபயோகித்து இந்த தீர்மானத்தை நீர்த்துப்போகச் செய்திருக்கிறது என்று ஒப்புக்கொண்டிருக்கிறார். அதனால்தான் நாடாளுமன்றத்தில் பதிலளிக்கும்போது, "இறுதி வரைவு இன்னும் கிடைக்கவில்லை, தீர்மானத்திற்கு ஆதரவாக வாக்களிக்க இந்தியா விருப்பம் கொண்டுள்ளது" என்று தெரிவித்திருக்கிறார். அவர் பதிலளிக்கும்போது இறுதி வரைவில் திருத்தம் செய்ய முயற்சிகள் மேற்கொள்ளப்பட்டு வந்திருக்கின்றன என்பது தெளிவாகிறது. 

அப்படி இந்தியா செய்ததுதான் என்ன?

Requests the Government of Sri Lanka to present, as expeditiously as possible, a comprehensive action plan

முழுமையான ஒரு செயல்திட்டத்தை, இயன்ற அளவுக்கு விரைவாக இலங்கை அரசு முன்வைக்க வேண்டுகிறது...

Encourages the Office of the United Nations High Commissioner for Human Rights and relevant special procedures mandate holders to provide, in consultation with, and with the concurrence of, the Government of Sri Lanka, advice and technical assistance on implementing the above-mentioned steps; 

மேற்சொன்ன நடவடிக்கைகளை நடைமுறைப்படுத்துவதற்குரிய ஆலோசனைகளையும் தொழில்நுட்ப உதவிகளையும் ஐ.நா மனித உரிமைகள் ஆணையம் மற்றும் சம்பந்தப்பட்ட கடப்பாடுடைய அமைப்புகள், இலங்கை அரசின் ஆலோசனையுடனும் ஒப்புதலுடனும் இலங்கை அரசுக்கு வழங்குமாறு வேண்டுகிறது.

1. காலவரையறை குறிப்பிடப்படாமல், இயன்ற அளவுக்கு விரைவாக என்ற சொற்களைச் சேர்த்தது.

2. இலங்கை அரசின் ஆலோசனையுடனும் ஒப்புதலுடனும் என்ற சொற்களை சேர்த்தது.

அதாவது,

• மனித உரிமைகளை மீறியதாக கடும் குற்றம்சாட்டப்படும் இலங்கை அரசு,
• இலங்கை அரசே அமைத்த படிப்பினை மற்றும் நல்லிணக்கக்குழு மனித உரிமை மீறல் குறித்து போதுமான அளவுக்கு கவனம் செலுத்தவில்லை என்பதையும் கவனத்தில் கொண்டு,
• அதே படிப்பினை மற்றும் நல்லிணக்கக்குழு அறிக்கையில் கூறப்பட்டபடி,
• முழுமையான செயல்திட்டத்தை இயன்ற அளவுக்கு விரைவாக
• இலங்கை அரசின் ஒப்புதலுடனும், இலங்கை அரசின் ஆலோசனையுடனும்
• இலங்கை அரசு முன்வைக்கச் செய்ய

மனித உரிமை ஆணையம் நடவடிக்கை எடுக்க வேண்டும்.

என்னய்யா இது தீர்மானம்... குற்றவாளி தன் குற்றத்தை விசாரிக்க ஒரு குழு அமைக்க, அந்தக் குழு குறைபாடுகள் கொண்ட அறிக்கை அளிக்க, அதே அறிக்கையில் கூறப்பட்டபடி, குற்றவாளியின் ஒப்புதலுடனும், குற்றவாளியின் அனுமதியுடனும், அடுத்த நடவடிக்கை என்ன என்பதை இயன்ற அளவுக்கு விரைவாக (கவனிக்கவும், உடனடியாக அல்ல ! ), அதே குற்றவாளி ஒரு செயல்திட்டத்தை முன்வைக்க வேண்டும் !

இந்தத் தீர்மானம் நிறைவேறி விட்டது என்று நாம் மார்தட்டிக் கொள்கிறோம்.

பாலுக்கும் காவல் பூனைக்கும் தோழன் என்கிற பாணியில் இந்தியா தீர்மானத்தை ஆதரித்துள்ளதை விவரமறியாத பலர் பாராட்டிக் கொண்டிருக்கிறார்கள். 

இந்த லட்சணத்தில் இந்தியா இத்தீர்மானத்தை ஆதரித்திருக்கக் கூடாது என்றும்கூட சிலர் கூப்பாடு போடுகிறார்கள். காரணம்... ராஜதந்திரமாம்... இந்தியாவின் எல்லாப் பக்கங்களிலும் எதிரிகளை உருவாக்கிக் கொள்ளக்கூடாதாம்....

என் மனதில் எழுகிற மிகப்பெரிய கேள்வி - விவாதத்தின்போது இத்திருத்தம் மேற்கொள்ளப்பட்டதாகத் தெரியவில்லை. ஏற்கெனவே - 22ஆம் தேதியே - ஜெனிவா அமெரிக்க அலுவலக வலைதளத்தில் இத்திருத்தம் இருந்திருக்கிறது.  தீர்மான வரைவு

அப்படியானால், தீர்மானத்தை வலுவிழக்கச் செய்ய இந்தியா அமெரிக்காவிடம் மன்றாடியிருக்கிறது. அமெரிக்காவும் அதற்கு செவி சாய்த்திருக்கிறது. இதற்குக் கைமாறாக அமெரிக்காவுக்கு இந்தியா அளித்த வாக்குறுதி என்னவாக இருக்கும்?

இந்தக் கேள்விக்கான விடை தெரிய வரும்போதுதான் இலங்கைத் தமிழர்களுக்கு இந்தியா செய்த துரோகத்துடன் இந்தியர்களுக்கும் சேர்த்துச் செய்த துரோகம் என்ன என்பது தெரியவரும்.